Almannavarnadeild ríkislögreglustjóra boðar til upplýsingafundar fyrir blaðamenn klukkan 14 í Skógarhlíð. Víðir Reynisson yfirlögregluþjónn og Þórólfur Guðnason sóttvarnalæknir fara yfir stöðu mála með tilliti til útbreiðslu kórónuveirunnar hér á landi.
Ásamt þeim á fundinum í dag er Thor Aspelund, prófessor í líftölfræði við Háskóla Íslands, en hann mun ásamt Þórólfi og Víði ræða reiknilíkan sem tölfræðingar og vísindamenn við HÍ hafa þróað vegna faraldursins hér á landi.