Íslendingar mega gista í Köben í sumar
Setja bókamerki
Ferðamönnum frá Íslandi, Þýskalandi og Noregi verður heimilt að gista um alla Danmörku eftir að landamæri ríkisins verða opnuð fyrir ferðamönnum frá umræddum löndum 15. júní. Frá þessu greindi Nick Hækkerup, dómsmálaráðherra Danmerkur, á blaðamannafundi í dag.
Áður hafði verið gefið út að ekki væri heimilt að gista í Kaupmannahöfn og nágrannasveitarfélaginu Frederiksberg og ástæðan sögð fjöldi kórónuveirusmita á þessu þéttbýlasta svæði landsins. Enn verður þó gerð krafa um að ferðamenn gisti sex nætur hið minnsta í landinu en það mun vera til að koma í veg fyrir ferðamenn á leið í helgargistingu.
Tvær vikur eru frá því fyrri reglur voru tilkynntar en þeim hefur verið mótmælt af hörku, bæði á danska þinginu og einkum frá borgaryfirvöldum í Kaupmannahöfn. Þótti skjóta skökku við að ferðamönnum væri heimilt að ferðast til borgarinnar í dagsferðir, en ekki gista. Að sögn ráðherrans er sú gagnrýni meðal ástæðna stefnubreytingarinnar. „Síðan viljum við einnig taka tillit til ferðamannageirans,“ sagði ráðherrann.
Kaldasti veturinn kom að óvörum
Banna mengandi búnað sem leyfður er á Íslandi
Skiptir miklu meira máli en fólk grunar
Væri að ljúga ef ég segðist ekki stressaður
Kostnaður meiri en milljón á fermetra
Skar höfuðleðrið af íslenskri konu
Strand skemmtiferðaskips kallar á erlenda aðstoð
Krefjast stöðvunar framkvæmda