Sex innanlandssmit greindust í gær á sameiginlegri deild sýkla- og veirufræðideildar Landspítalans og Íslenskrar erfðagreiningar. Helmingur þeirra var í sóttkví við greiningu, eða þrír.
Beðið er eftir mótefnamælingu vegna tveggja tilfella við landamæraskimun.
Samtals eru nú 400 í sóttkví og fjölgar þeim um 27 milli daga. Þá eru 62 í einangrun og fjölgar um 19 milli daga. 2.402 eru í skimunarsóttkví, en þeir voru 2.176 í gær. Enginn liggur á sjúkrahúsi vegna veirunnar.
Samtals voru 476 sýni tekin hjá Íslenskri erfðagreiningu og Landspítalanum og 1.056 sýni á landamærunum.