Allir voru með lokað og sóttvarnir til fyrirmyndar
Setja bókamerki
Lögreglan á höfuðborgarsvæðinu hafði eftirlit með sóttvörnum á samkomustöðum og lokun skemmtistaða og kráa á höfuðborgarsvæðinu í gærkvöldi. Vitjaði lögregla á sjötta tug samkomustaða um borgina alla. Allir skemmtistaðir og krár, sem kannað var með, voru með lokað í samræmi við núgildandi reglur.
Þetta kemur fram í dagbók lögreglu.
Þar segir einnig, að sóttvarnir hafi verið til fyrirmyndar á þeim veitingahúsum sem lögregla kom við á. Fáir voru á stöðum miðbæjarins og engin brot á reglum eru til rannsóknar eftir kvöldið.
Þá segir lögreglan frá því, að farið hafi verið á fimmtán staði í Hafnarfirði á milli kl. 19 og 23 en þeir staðir sem áttu að vera lokaðir vegna sóttvarnareglna voru lokaðir. Aðrir virtu sóttvarnareglur og fjöldatakmarkanir á stöðum með glæsibrag, að því er lögreglan greinir frá.
Þá segir lögreglan frá því að kl. 21:45 í gærkvöldi hafi verið tilkynnt um slys við Þjóðleikhúsið. Þar féll eldri kona í tröppum utandyra og hlaut hún m.a. áverka á höfði. Lögregla og sjúkrabifreið fóru á vettvang og var konan flutt á slysadeild aðhlynningar. Kvartaði um verk í höfði og hné.
Björninn sagður nálægt byggð
Of margir nemendur og ákall um hæft starfsfólk
Tveir í haldi grunaðir um mansal og smygl á fólki
Hætta vegna jarðfalls í sprungur metin töluverð
Vendingar vestanhafs geti haft áhrif hér heima