Óslóartréð skreytt á Austurvelli

Þótt desembermánuður hafi ekki enn gengið í garð hefur miðborg Reykjavíkur verið prýdd jólaljósum víðast hvar og er Austurvöllur þar engin undantekning.

Vinnumenn hafa í vikunni séð um að skreyta Óslóartréð sem árlega er sett þar upp, eftir að hafa verið höggvið í grennd við borgina.

Fram undan er fyrsti sunnudagur aðventu, en þá mun Dagur B. Eggertsson borgarstjóri tendra jólaljósin á trénu.