Héraðsdómur Reykjavíkur hefur sakfellt Matthías Jón Karlsson og Vygantas Visinskis fyrir stórfellda fíkniefnaframleiðslu.
Matthías Jón hlaut fimm ára og níu mánaða fangelsisdóm. Vygantas var dæmdur til að sitja inni í fjögur ár.
Héraðssaksóknari fór fram á átta ára fangelsi yfir báðum mönnunum.
Dómurinn var kveðinn upp í Héraðsdómi Reykjavíkur í dag, en Fréttablaðið greinir frá þessu.
Brot þeirra fólust í því að hafa staðið að framleiðslu og haft í vörslum sínum rúm 11 kíló og 3,3 millilítra af amfetamíni í sölu- og dreifingarskyni. Þeir játuðu brot sín að huta fyrir dómi.
Matthías Jón var dæmdur í tveggja og hálfs árs fangelsi á síðasta ári, fyrir aðild sína að gagnaversmálinu.