Lögreglan á Austurlandi hvetur íbúa Neskaupstaðar til að gæta hófs í orðum og æði á samfélagsmiðlum.

Hvatningin birtist í tilkynningu lögreglu þar sem vísað er til fréttaflutnings af meintu broti á sóttvarnalögum í bænum.

Stöðinni lokað og hún sótthreinsuð

Héraðsmiðillinn Austurfrétt birti fyrr í kvöld frétt þar sem fram kom að Olís-stöðinni í Neskaupstað hefði verið lokað. Lögreglunni hefðu borist ábendingar um að einstaklingur, sem ætti að vera í einangrun vegna kórónuveirusmits, hefði komið inn á stöðina. Í kjölfarið hafi verið ákveðið að loka stöðinni og sótthreinsa hana.

Segist lögregla hafa rannsakað málið, „og er ekkert sem bendir til að um sóttvarnarbrot hafi verið að ræða“.

„Málið telst því upplýst og hvetur lögregla íbúa til að gæta hófs í orðum og æði á samfélagsmiðlum vegna þessa.“

Tengdar fréttir

Kórónuveiran Covid-19

Rétti barni sínu frekar sígarettur en iPad

• Eitt bóluefni verður í boði gegn covid-19 í vetur
• Varar við fleiri tilfellum í vetur
• Bóluefni hafi fækkað dauðsföllum
• Engin ein skýring á niðursveiflu

» Fleiri tengdar fréttir

• Blogga um frétt