Þingsályktun um fjölbreyttar aðgerðir gegn raka-  og mygluskemmdum í fasteignum var samþykkt á Alþingi í dag. Halldóra Mogensen, þingmaður Pírata, lagði tillöguna fram og hlaut hún afgreiðslu velferðarnefdar og þingsins. Ljóst er að samtaða var um málið í velferðanefnd enda allir nefndarmenn samþykkir nefndaráliti málsins. 

Í tillögunni eru lagðar til sex aðgerðir sem miða að því að koma í veg fyrir  raka-  og mygluskemmdir og auka réttindavernd þeirra sem verða fyrir tjóni af þeirra völdum. 

Í tillögunni er félags- og barnamálaráðherra, í samráði við heilbrigðisráðherra, falið að leggja til nauðsynlegar breytingar á lögum og reglugerðum til að uppræta og koma í veg fyrir tjón vegna rakaskemmda í fasteignum.

Það skuli gert með því að:

• Auka réttindavernd þeirra sem verða fyrir tjóni vegna rakaskemmda.
• Efla sjálfstætt eftirlit með prófunum á byggingarefni áður en það er tekið í notkun hér á landi.
• Efla þekkingu fagaðila á rakaskemmdum og forvörnum tengdum þeim.
• Gera aðgengilegar á miðlægan hátt upplýsingar um framkvæmdir á húsnæði.
• Taka upp jákvæða hvata fyrir tryggingafélög til að tryggja húsnæði gegn rakaskemmdum.
• Taka upp jákvæða hvata fyrir fasteignaeigendur til að koma í veg fyrir og uppræta rakaskemmdir á eldra húsnæði.

Tengdar fréttir

Alþingi

Fullur kraftur settur í borgarlínuna

• Stjórnarflokkar þrefa enn um bæði menn og málefni
• „Ekki ástæða til þess að snúa öllu á hvolf“
• Vilja að dagskrá þingfundarins verði breytt
• Fjármálaáætlunar von í næstu viku

» Fleiri tengdar fréttir

• Blogga um frétt