Aukið viðbragð var sett í gang á Veðurstofu Íslands þegar skjálftavirkni tók að aukast við Fagradalsfjall um klukkan 5:20 í morgun. Að sögn Einars Hjörleifssonar náttúruvársérfræðings var um að ræða litla óróahviðu sem hafi þó að mestu gengið niður milli klukkan hálfsjö og sjö í morgun.

Frétt af mbl.is

Virknin sú kröftugasta í tvo sólarhringa

Engir stórir skjálftar urðu í hviðunni en margir litlir og hefur sjálfvirkt kerfi Veðurstofunnar mælt um 930 skjálfta frá miðnætti.

Einar segir að nú sé staðan sú sama og fyrir hviðuna en mat verði lagt á stöðuna í dag. „Við teljum að virknin þarna sé staðbundin syðst í kvikuganginum, og líklega er gangurinn að stækka eða kvika að færast til neðanjarðar,“ segir Einar í samtali við mbl.is.

„Það eru áfram litlir skjálftar og við fylgjumst vel með stöðunni í vefmyndavélum og á mælum og reynum að greina markverðar breytingar.“

Tengdar fréttir

Eldvirkni á Reykjanesskaga

Svipuð þróun og fyrir síðustu gos

• Hætta vegna jarðfalls í sprungur metin töluverð
• „Ró­leg al­veg fram í miðjan nóv­em­ber“
• Grindavík og Svartsengi blikna í samanburði
• Stjórnvöld meðvituð um sviðsmyndina

» Fleiri tengdar fréttir

• Blogga um frétt