Ekki er vitað ná­kvæm­lega hversu stórt svæði varð sinueldunum í Heiðmörk að bráð. Í Morgunblaðinu í dag er talað um að minnst fimm hektarar skóg­lend­is hafi horfið undir eldinn.

Á meðfylgjandi myndum má gera sér betur grein fyrir umfanginu og skemmdunum sem urðu á gróðri í þessari útivistarperlu ofan við borgina.

Þegar mest lét í gær voru yfir 60 slökkviliðsmenn að störf­um og annað eins frá björg­un­ar­sveit­um en til­kynnt var um eld­inn klukk­an 15.20. Þyrla Land­helg­is­gæsl­unn­ar flaug 17 ferðir og sótti vatn úr nær­liggj­andi vötn­um til að dreifa yfir eld­inn.