Frá neyðarstigi niður á hættustig
Setja bókamerki
Ríkislögreglustjóri, í samráði við sóttvarnarlækni, hefur ákveðið að lækka almannavarnastig vegna Covid-19 frá neyðarstigi niður á hættustig.
Þetta kemur fram í tilkynningu en Víðir Reynisson yfirlögregluþjónn greindi frá þessu á upplýsingafundi almannavarna í morgun.
Neyðarstigi almannavarna var lýst yfir 24. mars síðastliðinn þegar ný reglugerð tók gildi og tíu manna fjöldatakmörkun varð meginreglan, vegna hópsýkinga innanlands.
Þar sem vel gengur að ná niður smitum í samfélaginu fer almannavarnarstigið niður á hættustig. Þessi aðgerð hefur í raun ekki áhrif á daglegt líf almennings.
Sóttvarnalæknir og stýrihópur um verkefni sem snýr að Covid-19, mun áfram fylgjast með þróun faraldursins og taka ákvarðanir miðað við framvindu hans.
Frá því að neyðarstigi var fyrst lýst yfir, 6. mars 2020, hafa 6144 smit verið staðfest, 48.528 einstaklingar lokið sóttkví og 622.370 sýni verið tekin innanlands og á landamærum. Tuttugu og níu einstaklingar hafa látist vegna Covid-19.
Í dag eru 62.276 íbúar á Íslandi fullbólusettir eða 27.9% þjóðarinnar (16 ára og eldri).
Telur forsendur fyrir vaxtalækkun
Nemendur í HÍ reistu tjaldbúðir án leyfis
Skaut sex sinnum að feðginum á aðfangadagskvöld
Breytingar á skipulagi fréttadeildar RÚV
Þyngri refsing fyrir að nauðga stjúpdóttur æskuvinar
Banna mengandi búnað sem leyfður er á Íslandi
Væri að ljúga ef ég segðist ekki stressaður
Strand skemmtiferðaskips kallar á erlenda aðstoð