Rúmlega sex þúsund og þrjú hundruð höfðu kosið í prófkjöri Sjálfstæðisflokksins í Reykjavík klukkan 16 í dag, þegar tveir tímar eru í að kjörstöðum verði lokað. Þetta staðfesti Kristín Edwald, formaður kjörstjórnar, við mbl.is.
Þrettán eru í framboði í prófkjörinu sem er sameiginlegt fyrir bæði Reykjavíkurkjördæmin. Hver kjósandi skal greiða sex til átta frambjóðendum atkvæði í töluröð.
Kjörstöðum verður lokað klukkan 18 í dag en þeir eru eftirfarandi:
Atkvæðisrétt eiga allir félagsbundnir sjálfstæðismenn í Reykjavík. Kjörfundur hófst í gær og fyrir hann hafði staðið utankjörfundur í nokkra daga.
Áslaug Arna Sigurbjörnsdóttir dómsmálaráðherra og Guðlaugur Þór Þórðarson utanríkisráðherra takast á um fyrsta sætið í prófkjörinu.
Þegar er búið að loka fólk inni á 2. hæð í Valhöll og talning er hafin á atkvæðum. Búist er við að fyrstu tölur berist úr prófkjörinu um og upp úr klukkan 19 í kvöld.
Setja bókamerki
„Það er enginn að skjóta sendiboðann“
Samningurinn samræmi bæði vinnuskil og vinnutíma
Þurfa að taka myndir áður en goslokum er lýst yfir
Spá launahækkunum nokkuð umfram kjarasamninga
Hættu við vopnasendingu til Ísraels
Kerfið streitist á móti
„Hætta á því að það dragi úr samstöðunni“