Röðin í bólusetningu síðdegis í dag er ein sú lengsta sem sögur fara af hér á landi. Röðin hefur styst frá því sem mest var en hún teygir sig í krók frá Laugardalshöllinni, upp Engjaveg í vestur, norður upp Reykjabraut og niður göngustíginn í átt að Glæsibæ. Önnur röð liggur svo beint upp Engjaveg í austur.
Röðin var 1,4 kílómetra löng þegar mest lét, og teygði sig þá alla leið niður að Glæsibæ, laust fyrir klukkan 15.
Fréttaflutningur af dræmri mætingu í morgun er mögulega orsakavaldur en einungis helmingur þeirra sem fékk boð fyrir hádegi lét sjá sig. Enn eru 700 skammtar eftir og Heilsugæsla höfuðborgarsvæðisins hvetur fólk til að mæta.