Gasmengun gæti borist í byggð á Reykjanesi í dag. Þetta kemur fram í tilkynningu Veðurstofunnar frá því í morgun.
Sunnan og suðaustan 5-10 m/s fyrri part dags og berst þá gasmengunin til norðurs og norðvesturs. Það gæti orðið vart við #gasmengun frá eldgosinu í byggð á vestan- og norðanverðu #Reykjanesi.
— Icelandic Meteorological Office - IMO (@Vedurstofan) June 10, 2021
Hægari breytileg átt síðdegis og gæti gasið þá borist í ýmsar áttir. #eldgos
Gosið hefur nú staðið yfir síðan 19. mars en að sögn Þorvalds Þórðarsonar, prófessors hjá Jarðvísindastofnun, er það smátt og smátt að breytast í dyngjugos.
„Þetta er að nálgast það. Það er ekki alveg orðið það ennþá en þetta er allt á réttri leið. Þróunin er öll í þá átt,“ segir Þorvaldur í samtali við mbl.is.