Bjarni leiðir og Jón Gunnarsson í öðru sæti

Frá vinstri, frambjóðendurnir: Sigþrúður Ármann og Bjarni Benediktsson, Óli Björn …
Frá vinstri, frambjóðendurnir: Sigþrúður Ármann og Bjarni Benediktsson, Óli Björn Kárason og Bryndís Haraldsdóttir ásamt Ragnheiði Ríkharðsdóttur, fyrrverandi þingmanni Sjálfstæðisflokksins í Suðvesturkjördæmi. Samsett mynd

Bjarni Benediktsson, leiðir eftir fyrstu tölur í prófkjöri Sjálfstæðismanna í Suðvesturkjördæmi þegar 1419 atkvæði hafa verið talin. Bjarni bauð sig einn fram til að leiða listann og er óskoraður leiðtogi sjálfstæðismanna í kjördæminu og er nú, eftir fyrstu talningu, með 1.169 atkvæði í 1. sæti.

Í öðru sæti eftir fyrstu talningu er Jón Gunnarsson með 371 atkvæði í 1.-2. sæti.

Í þriðja sæti er Bryndís Haraldsdóttir með 474 atkvæði í 1.-3 sæti.

Í fjórða sæti er Óli Björn Kárason með 587 atkvæði í 1.-4. sæti.

Í fimmta sæti er Arnar Þór Jónsson með 696 atkvæði í 1.-5. sæti.

Í sjötta sæti er Sigþrúður Ármann með 787 atkvæði í 1.-6. sæti.

Alls voru greidd um 4.700 atkvæði

Í kjöri eru:

Arnar Þór Jónsson, héraðsdómari.

Bergur Þorri Benjamínsson, formaður Sjálfsbjargar.

Bjarni Benediktsson, fjármálaráðherra.

Bryndís Haraldsdóttir, þingmaður. 

Guðbjörg Oddný Jónasdóttir, varabæjarfulltrúi.

Hannes Þórður Þorvaldsson, lyfjafræðingur.

Jón Gunnarsson, þingmaður.

Karen Elísabet Halldórsdóttir, bæjarfulltrúi. 

Kristín Thoroddsen, bæjarfulltrúi.

Óli Björn Kárason, þingmaður. 

Sigþrúður Ármann, framkvæmdastjóri.

Vilhjálmur Bjarnason, viðskiptafræðingur.

Fréttin hefur verið uppfærð.

mbl.is