Karlmaður er nú í haldi lögreglu grunaður um innbrot í hús, en hann var handtekinn í morgun. Rannsókn málsins er hafin. Þetta kemur fram í fréttaskeyti lögreglunnar á höfuðborgarsvæðinu.
Þar segir einnig að tilkynnt hafi verið um innbrot í nýbyggingu en ekki liggja fyrir frekari upplýsingar um það mál.
Svo var í morgun tilkynnt um innbrot í iðnaðarhverfi miðsvæðis í Reykjavík. Ekki liggja heldur fyrir frekari upplýsingar að svo stöddu um það.
Loks voru svo skráningarmerki klippt af þremur bílum í morgun, vegna vanrækslu á aðal- og/eða endurskoðun.