Tilkynnt var um eignaspjöll á bifreið á þriðja tímanum í nótt í miðbæ Reykjavíkur þar sem skorið hafði verið á dekk bifreiðarinnar og tilraun gerð til þess að kveikja í henni.
Þetta kemur fram í dagbók lögreglunnar á höfuðborgarsvæðinu í nótt.
Laust fyrir klukkan níu í morgun var tilkynnt slys í Kópavogi þar sem fjórir 14 ára drengir höfðu ekið sömu vespu, samtímis. Aðeins einn þeirra var með hjálm.
Ökumaður eða -menn misstu stjórn á vespunni og drengirnir duttu af henni. Einn drengjanna missti meðvitund og er talinn hafa hlotið heilahristing.