Glóandi hraun rennur nú á ný í Nátthaga eins og sjá má á vefmyndavél mbl.is á í dalnum.

„Það virtist hrynja ofan í gíginn í svokölluðu hléi í gærkvöldi. Vel hefur sést í hraunið í dag eftir að það byrjaði að gjósa aftur. Svo virðist sem hraun renni í austur og vestur úr stóra gígnum og niður í Nátthaga,“ segir Böðvar Sveinsson, náttúruvársérfræðingur á vakt hjá Veðurstofu Íslands. 

Gosórói tók að aukast aftur, eftir nokkurra klukkustunda hlé, í gærkvöldi og hraun fór að flæða aftur snemma í morgun. 

Sjá má á vefmyndavél Rúv að nokkur kraftur er í gosinu sem stendur. Böðvar segir að krafturinn í flæðinu sé meiri nú en hefur verið síðustu sólarhringa.

Tengdar fréttir

Eldvirkni á Reykjanesskaga

Nærri tíu milljónir rúmmetra af kviku

• Gylfi Þór ráðinn í samhæfingu vegna Grindavíkur
• Hvorki sést áður hér á landi né annars staðar
• Gígbarmurinn hækkað frá því í gær
• Helmingur umsókna samþykktur fyrir vikulok

» Fleiri tengdar fréttir

• Blogga um frétt