CCEP, Coca-Cola á Íslandi, lýsir yfir þungum áhyggjum af stöðu KSÍ í samfélaginu. Forsvarsmenn fyrirtækisins hafa sent sambandinu bréf og óskað eftir samtali um málið og kynningu á aðgerðaáætlun KSÍ í þessum málaflokki.

Þetta kemur fram í tilkynningu frá fyrirtækinu sem er meðal stærstu styrktaraðila KSÍ til margra ára.

Lýsa yfir þungum áhyggjum

„Síðustu áratugi hefur Coca-Cola á Íslandi verið stoltur stuðningsaðili íslenskrar knattspyrnu í gegnum grasrótarstarf íþróttafélaga og samstarf við Knattspyrnusamband Íslands. Coca-Cola á Íslandi hefur stutt við starf sambandsins gagnvart öllum aldurshópum og kynjum.“

Vegna frétta síðustu daga segist CCEP sjá ástæðu til að lýsa yfir þungum áhyggjum af stöðu þessa stærsta íþróttasambands í íslensku samfélagi.    

„Coca-Cola á Íslandi hefur sent bréf þess efnis til KSÍ þar sem óskað er eftir samtali um þessi mál og kynningu á aðgerðaáætlun KSÍ í þessum málaflokki.“

CCEP vonast til að KSÍ auðnist að vinna úr þessum málum til að auka jafnrétti, útrýma ofbeldi og skapa þannig bjarta framtíð fyrir íslenska knattspyrnu með það að leiðarljósi að efla sjálfstraust og hæfni ungs fólks til framtíðar í gegnum knattspyrnuna. 

Tengdar fréttir

MeT­oo - #Ég líka

Ógildir dóm yfir Weinstein

• Ákvörðun um að víkja Jóhanni úr landsliði stendur
• Um 30% kvenkyns skurðlækna orðið fyrir kynferðisofbeldi
• Skiluðu skömminni á Sauðárkróki
• Druslur fjölmenntu á Austurvöll

» Fleiri tengdar fréttir

Kynferðisbrot innan KSÍ

Landsréttur mildar þriggja ára nauðgunardóm

• „Stjórnarmenn og starfsmenn til margra ára hrökkluðust í burtu“
• Braut persónuverndarlög – Óljóst um miskabætur
• Mál Arons og Eggerts fellt niður
• Landsliðsferlinum lokið?

» Fleiri tengdar fréttir

• Blogga um frétt