Eftir töluverða fækkun í Covid-tengdum sjúkraflutningum hjá slökkviliðinu á höfuðborgarsvæðinu síðustu vikna varð fjölgun síðasta sólahring eða 19 flutningar.
Þetta kemur fram í tilkynningu frá slökkviliðinu, á Facebook-síðu þeirra í morgun.
Heildarfjöldi sjúkraflutninga á höfuðborgasvæðinu var 132 síðastliðinn sólarhringinn og þar af voru 32 forgangsflutningar.
„Rólegra var á dælubíla og fengum við bara eitt útkall og var það vegna heitavatnsleka frá eldhúsi, við komu voru íbúar búnir að skrúfa fyrir og komu þannig í veg fyrir frekara tjón,“ segir á Facebook-síðunni.