Einn fullbólusettur einstaklingur liggur á gjörgæsludeild Landspítalans með Ómíkron-afbrigði kórónuveirunnar. Hann hefur fengið tvær bólusetningar, en ekki örvunarskammt. Tveir fullbólusettir einstaklingar til viðbótar liggja á gjörgæslunni en ekki er vitað um þeirra afbrigði. Hvorugur hefur fengið örvunarskammt.

Alls liggja sjö einstaklingar á gjörgæslu smitaðir af Covid-19, þar af eru sex í öndunarvél. Þetta staðfestir Landspítalinn.

Samtals liggja 32 einstaklingar á Landspítala smitaðir af Covid-19, en Ómíkron-afbrigði veirunnar hefur verið staðfest hjá níu þeirra.

Þórólfur Guðnason sóttvarnalæknir segir það þó enn nokkuð ljóst að langflestir þeirra sem séu alvarlega veikir af Covid-19 séu óbólusettir.

„Það er nokkuð ljóst að langflestir þeirra sem eru alvarlega veikir inni á spítalanum eru óbólusettir. Á gjörgæslu eru einn til tveir sem eru bólusettir, þannig það eru nánast allir óbólusettir. Og þó þeir þurfi ekki að leggjast inn þá eru þeir miklu lengur að ná sér og þeir dvelja líka lengur á spítalanum heldur en bólusetta fólkið.“

Fréttin hefur verið uppfærð.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

Bólusetningar við Covid-19

„Það þarf að vinna mikinn fjölda upp“

• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“
• Ósennilegt að bólusetning orsaki tíðavandamál

» Fleiri tengdar fréttir

• Blogga um frétt