Tómas birti og eyddi svo skilaboðunum

Tómas A. Tómasson, þingmaður og stofnandi hamborgarakeðjunnar Búllunnar, hefur birt á Twitter skjáskot úr síma annars af skilaboðasamskiptum við hann sjálfan.

Í skilaboðunum frá Tómasi segist hann staddur í taílensku höfuðborginni Bangkok.

Sá sem ræðir við hann segir þá að fjör sé fram undan.

Tómas svarar á móti: „skal senda skyrslu daglega“.

Degi síðar skrifar hann:

„Ein dásamleg 26 ára ca. 45 kg var að yfirgefa herbergið smokklaust. En byrjaði á nuddkonunni fyrr í dag, kvöldið er ungt, 20.21.“

Skjáskotið sem Tómas birti á Twitter.

Varar við skjáskotinu

Á Twitter tekur Tómas fram að skjáskot af þessum samskiptum sé að fara að birtast í fjölmiðlum, en það hefur verið í dreifingu á netinu undanfarið.

„Kæru twitter vinir þetta skjáskot er að fara að birtast i fjölmiðlum vil taka fram að ég var ólofaður og ógiftur þegar þetta átti sér stað en svona er lifið engin veit sína æfi fyrr en öll er,“ skrifaði Tómas með skilaboðunum, en tístinu hefur síðan verið eytt.

• Blogga um frétt