Listamaðurinn Hugleikur Dagsson upplifði „skrýtinn kvíða“ við að fara út úr húsi á Íslandi og flutti rétt fyrir kórónuveirufaraldur til Berlínar, höfuðborgar Þýskalands. Þar var stefnan að flytja uppistand og borða á veitingahúsum en hvorugt var í boði í faraldrinum.

Hugleikur, sem er viðmælandi í nýjasta þætti Dagmála, hlýtur gjarnan gagnrýni fyrir myndasögur sem sumum finnst fara yfir einhverja óljósa línu en vildi óska þess að fólk kæmi frekar beint til hans með gagnrýnina en að „brjálast“ út í hann í skjóli internetsins.

Þótti vænt um hreinskilnina

Í myndskeiðinu hér að ofan greinir Hugleikur m.a. frá því í hverju kvíðinn felst og segir frá því þegar starfsmaður Nexus sagði myndasögur Hugleiks lítt fyndnar. 

„Mér þótti rosalega vænt um það og hans hreinskilni,“ segir Hugleikur.

Hér má nálg­ast þátt­inn í fullri lengd.

Tengdar fréttir

Dagmál

Veitir nýja sýn á landnám og forfeður

• Ull af 250 kindum þurfti í eitt segl
• Besta forvörnin þegar kemur að vopnaburði ungmenna
• „Fjarvistir eru alltaf að aukast á vinnustöðum.“
• Varpar ljósi á klæði kvenna við landnám

» Fleiri tengdar fréttir

• Blogga um frétt