Hleðslukapall ekki bættur

Meðal fjölda álitaefna, sem komu til kasta úrskurðarnefndar í vátryggingarmálum á síðasta ári, var hvort tjón sem varð á hleðslukapli fyrir rafmagnsbíl þegar tengill í vegg brann yfir skyldi bætt úr innbúshluta eða innbúskaskóhluta fjölskyldutryggingar. Úrskurðarnefndin segir í niðurstöðu sinni að þeir innbúsmunir sem teljast til almenns innbús verði að vera nokkuð algengir í heimilishaldi.

„Þótt útbreiðsla rafmagnsbifreiða hér á landi sé einhver þá telst hún ekki vera það útbreidd að hægt sé að flokka hleðslukapal sem notaður er til að hlaða slíkar bifreiðar sem hluta af almennu heimilishaldi enn sem komið er,“ segir í niðurstöðu nefndarinnar sem úrskurðaði tryggingafélaginu í vil.

Lengri umfjöllun um málið er að finna í Morgunblaðinu í dag, miðvikudag.