Jón Gunnarsson dómsmálaráðherra segir að lögreglan á Íslandi hafi rekið sig á að geta ekki haft eftirlit með einstaklingum sem lögregluyfirvöld erlendis hafi hvatt til að fylgst verði með.

Jón sagði við RÚV í gær að frumvarp um afbrotavarnir eða forvirkar rannsóknarheimildir væri tilbúið í dómsmálaráðuneytinu.

„Við erum að glíma hér við mjög vaxandi ógn í skipulagðri glæpastarfsemi óháð þessari uppákomu núna,“ sagði Jón í samtali við mbl.is að loknum ríkisstjórnarfundi.

„Það er hægt að rekja einhver dæmi um það að okkur hafi borist upplýsingar um einstaklinga sem eru undir eftirliti í lögregluembættum í nágrannalöndum okkar og á Norðurlöndum og við höfum fengið hvatningu til að fylgjast með og veita til baka upplýsingar, og við erum hreinlega ekki með heimildir til að gera það,“ bætti hann við. 

Tengdar fréttir

Ákært fyrir hryðjuverk

Hryðjuverkamálinu áfrýjað til Landsréttar

• Ekki búið að áfrýja málinu: Vika til stefnu
• „Þetta var ekkert grín“
• Hryðjuverkalöggjöfin geti verið endurskoðuð
• Ríkið greiðir bróðurpart málsvarnarkostnaðar Sindra og Ísidórs

» Fleiri tengdar fréttir

• Blogga um frétt