Samflot iðn- og tæknigreina, VR, LÍV og Samtök atvinnulífsins (SA) funda nú í húsi ríkissáttasemjara í Borgartúni en fundurinn hófst klukkan korter yfir eitt og er gert ráð fyrir að hann standi yfir til klukkan sex.
Þetta er fyrsti formlegi fundur allra aðila síðan VR tilkynnti á laugardag að félagið myndi taka höndum saman við samflot iðn- og tæknigreina í kjaraviðræðum.
Ragnar Þór Ingólfsson, formaður VR, sagði í samtali við mbl.is í morgun að engin leið væri að spá til um hvernig fundurinn færi.
Tímaramminn til að gera samning sé þó orðinn mjög þröngur og því þurfi að vera komin niðurstaða fyrir vikulok.