Slökkvilið höfuðborgarsvæðisins var rétt eftir hádegi í dag kallað út vegna eldsvoða í raðhúsaíbúð við Hrauntungu í Kópavogi.
Töluverður eldur var í íbúðinni er slökkvilið bar að garði. Greiðlega gekk að slökkva eldinn og engin slys urðu á fólki.
Nokkrir einstaklingar voru inni í húsinu þegar eldsins varð vart en þeir náðu að forða sér út.
Samkvæmt upplýsingum frá slökkviliði höfuðborgarsvæðisins má búast við að mikið tjón hafi orðið á íbúðinni en engar skemmdir urðu á nærliggjandi íbúðum.