Stutt er í að liðsauki muni berast til að takast á við erfiðan sinubruna sem upp kom vestan við álverið í Straumsvík. Samkvæmt upplýsingum frá slökkviliðinu á höfuðborgarsvæðinu eru „einhver“ hús í hættu. 

Tekið er fram að um er að ræða minni hús sem ekki er búið í. Eldurinn kom upp á jörðinni Streng en á jörðinni eru meðal annars Óttarsstaðir sem mörgum eru kunnugir og eru þeir vel sýnilegir frá Reykjanesbraut.  

Svæðið þykir erfitt yfirferðar. mbl.is/Arnþór

Slökkviliðsmaður á vettvangi. mbl.is/Arnþór

Nokkur hundruð metrar

Að sögn vaktmanns slökkviliðsins er svæðið sem eldurinn nær til nokkur hundruð metrar að lengd. Mikill vindur sem og landsvæði sem er erfitt yfirferðar torveldar slökkvistarf.

Vindur blæs úr austri og því litlar líkur á því að sinubruninn muni teygja sig í átt að byggð eins og sakir standa. 

Sinubruninn er sagður ná yfir nokkur hundruð metra svæði og mikill vindur gerir það að verkum að eldurinn breiðist hratt út. mbl.is/Arnþór

Á þessari stundu eru 20 slökkviliðsmenn við slökkvistarf og von er á tíu til viðbótar. Fer þá nærri að allt tiltækt slökkvilið verði að störfum að sögn vaktmanns.

Bíll sem skemmst hefur í brunanum. mbl.is/Arnþór

Mikinn reyk stígur frá svæðinu. mbl.is/Árni Sæberg

Tengdar fréttir

Sinubruni í nágrenni Straumsvíkur

Gaskútarnir sem sprungu voru þrír

• Í viðbragðsstöðu ef eldur blossar upp að nýju
• Eins og að vera á tunglinu
• Eins til eins og hálfs kílómetra svæði
• Ráðast á eldinn um leið og færi gefst

» Fleiri tengdar fréttir

• Blogga um frétt