Leyniskilaboð í hamrinum
Setja bókamerki
Þórdís Kolbrún Reykfjörð Gylfadóttir utanríkisráðherra afhenti Edgars Rinkevics, utanríkisráðherra Lettlands, hamarinn sem Sigríður Kristjánsdóttir skar út fyrir fundinn. Á hamrinum er lítið leynihólf og sagðist Þórdís Kolbrún hafa komið fyrir leyniskilaboðum til Rinkevics í því.
Blaðamannafundur Evrópuráðsins fer nú fram í Hörpu.
Hamarinn góði vakti athygli fyrir helgi en hefð er fyrir því að formennskuríki Evrópuráðsins gefi ráðinu gjöf við lok formennskutímabilsins. Á hamrinum eru orðin „með lögum skal land byggja“.
Þórdís sagði Rinkevics að hann gæti svo skrifað skilaboð til Liechtenstein þegar utanríkisráðherra þeirra tæki við formennsku í nóvember.
Gjöf Íslands til ráðherranefndar Evrópuráðsins er eftirgerð af fundarhamri Ásmundar Sveinssonar myndhöggvara, Ásmundarnautar, sem upprunalega var gefinn Sameinuðu þjóðunum árið 1952 í tilefni af því að nýjar höfuðstöðvar stofnunarinnar í New York voru teknar í notkun. Sigga á Grund skar hamarinn út og verður hann hér eftir notaður til að stýra fundum ráðherranefndarinnar.
Frambjóðendur skila inn listum í Hörpu
„Umsátursástand“
Kaldasti veturinn kom að óvörum
Telur forsendur fyrir vaxtalækkun
Bergnuminn í Hvalfirði
Nemendur í HÍ reistu tjaldbúðir án leyfis
Banna mengandi búnað sem leyfður er á Íslandi