Guðmundur B. Friðriksson, skrifstofustjóri á skrifstofu umhverfisgæða hjá borginni, segir sorphirðumálin engu að síður ganga betur nú en undanfarnar vikur. Guðmundur segir að tafirnar megi rekja til ýmissa þátta, m.a. seinkunar á komu sorphirðubíla og hraða tunnuskipta sem ekki hafi verið hægt að hægja á.

„Erum að vinna þetta upp“

„Sorphirðumálum er þannig háttað að það eru engar tafir á sorphirðunni á blönduðu sorpi og matarleifum. Við höfum alltaf haldið áætlun á því, enda er það úrgangur sem er þess eðlis að þú vilt ekkert geyma hann lengi. Við erum eftir á í pappír og plasti en hins vegar er búið að fjölga svolítið hjá okkur í mannskap og svo eru fleiri bílar í umferð núna. Þannig að við erum að vinna þetta upp,“ segir Guðmundur og bætir við að búið sé að hirða sorp í Árbæ og Grafarvogi og að nú taki Vesturbærinn við.

Hann segir tunnuskiptin klárast eftir tvær vikur og gangi þau framar vonum.

„Við ætluðum að klára 30. september samkvæmt upphaflegu plani en það gekk svo vel að við erum að klára 2. september. Breytingarnar á tunnunum eru mánuði á undan áætlun sem er partur af því af hverju við erum eftir á í hirðunni. Tunnunum fjölgaði hraðar og það er ekkert hægt að stoppa 20 manns sem eru komnir í akkorðsvinnu að skipta út tunnum og segja þeim að bíða, það er allt of dýrt,“ segir Guðmundur.

Þá segir hann seina komu nýrra sorphirðubíla og skort á mannafla hafa hægt á sorphirðu víða í Reykjavík.

Tengdar fréttir

Sorphirða

Lokahnykkurinn að fullri starfsemi GAJU

• Sorpu heimilt að semja við Stena
• Ekki ljóst hvað tekur við þegar lokað verður á Dalvegi
• Losun á pappír og plasti einni viku á eftir áætlun
• „Íbúar eru eðlilega argir yfir þessu“

» Fleiri tengdar fréttir