Tölvuárás var gerð á Háskólann í Reykjavík í nótt og hafa Persónuvernd og CERT-IS verið upplýst um málið.
Þetta kemur fram í tilkynningu frá HR.
„Kerfi skólans hafa verið tekin niður og unnið er að viðgerð samkvæmt verkferlum HR, ásamt helstu þjónustuaðilum og netöryggissérfræðingum Syndis,” segir í tilkynningunni þar sem fram kemur að umfang árásarinnar sé óljóst.
Fyrr í morgun greindi mbl.is frá því að netlaust væri í skólanum og að fella hefði þurft niður fyrirlestra og tíma.