Framsóknarflokkurinn má vel við una að loknum kosningum, að mati Grétars Eyþórssonar stjórnmálafræðings sem segir að árangur Framsóknar í nýliðnum sveitarstjórnarkosningum sé góður, sérstaklega í ljósi þess að Miðflokkurinn lét finna fyrir sér.
Framsókn er í meirihluta í sjö bæjarstjórnum í tólf stærstu sveitarfélögunum, að því er fram kemur í umfjöllun um gengi flokksins í nýafstöðnum kosningum í Morgunblaðinu í dag.
Framsókn og Samfylking sitja saman í fjórum meirihlutum og Sjálfstæðisflokkurinn er eini flokkurinn sem situr í hreinum meirihluta í tveimur sveitarfélögum, Garðabæ og Seltjarnarnesi. Hann situr einnig þremur tveggja flokka meirihlutum. 10