Ríkisstjórnin heldur ekki velli í nýrri könnun Prósents sem var gerð fyrir Fréttablaðið. Sjálfstæðisflokkurinn fengi 21,3 prósenta fylgi, Framsókn 12,6 prósent og VG fengi slétt 10 prósent. Samanlagt fylgi nemur um 44 prósentum. 

Þetta kemur fram í skoðanakönnun sem var gerð 13. til 16. september. Alls tóku 1.493 þátt í henni, þar af tóku 1.329 afstöðu, eða 90 prósent.

Þegar fólk var spurt hvaða stjórnarsamstarf því hugnast best að afloknum kosningum vill stærstur hluti svarenda halda núverandi samstarfi áfram, eða 48,3 prósent.

Um 27 prósent aðspurðra vilja vinstristjórn með Flokki fólksins, Pírötum, Samfylkingu, Sósíalistum og Vinstri grænum. Um 25 prósent vilja miðjustjórn með Framsóknarflokki, Samfylkingu, Viðreisn og Pírötum.

Nánast allir sem ætla að kjósa Sjálfstæðisflokkinn vilja halda samstarfinu áfram, eða 99 prósent.

Tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir

• 2 blogg um fréttina

Bloggað um fréttina

• Páll Vilhjálmsson: Þjóðin vill stöðugleika en fær óreiðu
• Óðinn Þórisson: Valkosturinn er skýr Sjálfstæðisflokkurinn eða 5 - 6 flokka vinstri …