Staðfestir aðeins að erindi hafi borist
Setja bókamerki
Héraðssaksóknari vill ekkert segja til um hvort rannsókn sé hafin eða hvenær niðurstöðu sé að vænta í undirskriftarmáli E-framboðs, Bestu borgarinnar.
Ólafur Þór Hauksson héraðssaksóknari staðfestir einungis við mbl.is að erindi hafi borist frá yfirkjörstjórn í Reykjavík vegna málsins en vill annars ekki tjá sig um stöðuna.
Birgitta Jónsdóttir, fyrrverandi alþingismaður, var í 24. sæti á lista framboðsins en hún sagði undirskrift sína í framboðsgögnum hafa verið falsaða.
Fyrir tæpum tveimur vikum sagði formaður yfirkjörstjórnar að niðurstaða fundar vegna málsins hafi verið sú að yfirkjörstjórnin hefði ekki lagaheimild til að taka frambjóðanda af lista á þessu stigi. Í kjölfarið hefði málinu verið vísað til héraðssaksóknara til rannsóknar og meðferðar.
Mikilvægt að úrræði séu endurskoðuð
Algeng laun 1,4 til 2,2 milljónir
Fjarskiptatæki um alla borg sprungu samtímis
„Hví erum við dýrasta land í heimi?“
Óvenjuleg tilkynning: 19 í gæsluvarðhaldi
Átta til tólf erlendir glæpahópar