Ríkisstjórnarflokkarnir fengju drjúgan meirihluta

mbl.is

Ríkisstjórnarflokkarnir fengju meirihluta á Alþingi ef kosið væri nú, skv. nýrri skoðanakönnun Capacent Gallup fyrir Morgunblaðið og Ríkisútvarpið - samtals 55,8% atkvæða og alls 38 þingmenn af 63. Samfylkingin er stærsti flokkur landsins, skv. könnuninni, með 31,2%, Sjálfstæðisflokkurinn mælist með 26,5% og Vinstri hreyfingin - grænt framboð 24,6%.

Athygli vekur að Frjálslyndi kæmi ekki manni á þing miðað við þessa könnun og mælist með minnst fylgi allra framboða.

Samkvæmt skoðanakönnunni styðja nú 64,3% Íslendinga ríkisstjórn Samfylkingar og VG en 35,7% segjast ekki styðja hana. Þetta eru nánast sömu tölur og fengust í könnun Capacent Gallup í síðasta mánuði.

Stuðningur við flokkana (framboðin) skv. könnuninni er sem hér segir; prósentur og fjöldi þingmanna - í sviga prósentur í kosningunum 2007 og fjöldi þingmanna sem viðkomandi flokkur fékk þá kjörna á þing:

Samfylkingin 31,2% - 21 (28,3% - 18)

Sjálfstæðisflokkurinn 26,5% - 18 (36,6% - 25)

Vinstri hreyfingin - grænt framboð 24,6% - 17 (14,4% - 9)

Framsóknarflokkurinn 11,3% - 7 (11,7% - 7)

Borgarahreyfingin 2,5%

Listi Fullveldissinna 1,9%

Frjálslyndi flokkurinn 1,3% - 0 (7,3% - 4)

Könnunin varð gerð dagana 11. til 17. mars. Um er að ræða bæði netkönnun og símakönnun. Úrtakið í netkönnunni var tilviljunarúrtak úr viðhorfahópi Capacent Gallup en úrtakið í símakönnuninni var tilviljunarúrtak úr þjóðskrá.

Heildarúrtaksstærð var 1.555 manns 18 ára og eldri. Svarhlutfall var 62,5%.

Fylgistölur eru reiknaðar út frá svörum við þremur spurningum: „Ef kosið yrði til Alþingis í dag, hvaða flokk eða lista myndir þú kjósa?“ Þeir sem voru óákveðnir voru spurðir: „En hvaða flokkur eða listi yrði líklegast fyrir valinu?“ Þeir sem enn voru óákveðnir voru spurðir: „Hvort er líklegra að þú kysir Sjálfstæðisflokkinn eða einhvern hinna flokkanna?“

mbl.is

Innlent, Kosningar — Fleiri fréttir

Í dag

Í gær

Þriðjudaginn 18. janúar

Mánudaginn 17. janúar

Sunnudaginn 16. janúar

Föstudaginn 14. janúar

Fimmtudaginn 13. janúar

Fimmtudaginn 6. janúar

Þriðjudaginn 21. desember

Föstudaginn 17. desember

Fimmtudaginn 16. desember

Miðvikudaginn 15. desember

Miðvikudaginn 8. desember

Miðvikudaginn 1. desember

Þriðjudaginn 30. nóvember

Mánudaginn 29. nóvember

Sunnudaginn 28. nóvember

Laugardaginn 27. nóvember