Staðfest tengsl bóluefnis og drómasýki

Niðurstöður finnskrar rannsóknar staðfesta að tengsl eru á milli bóluefnis við svínaflensu og drómasýki. Finnskir vísindamenn kynntu niðurstöðurnar í dag en höfðu áður sagt frá því í janúar að sterkar vísbendingar væru um tengsl þarna á milli.

Niðurstöðurnar sýna m.a. að börn og ungmenni á aldrinum fjögurra til nítján ára eru 12,7 sinnum líklegri til að fá drómasýki hafi þau verið bólusett með bóluefnunum Pandemrix og Arepanrix, en undirliggjandi erfðafræðilegur þáttur þarf einnig að vera til staðar.

Alls hafa 79 börn greinst með drómasýki í Finnlandi eftir að hafa verið bólusett með efnunum en það samsvarar því að sex af hverjum hundrað þúsund hafi fengið sjúkdóminn eftir að hafa fengið bóluefnið.

Drómasýki kemur fram í mikilli þreytu og eiga þeir sem af sjúkdómnum þjást til að sofna án þess að fá nokkuð ráðið við. Í alvarlegum tilfellum eru ofskynjanir fylgifiskar sjúkdómsins, svo og svokölluð slekjuköst, þegar viðkomandi missir allan mátt í líkamanum og getur sig hvergi hreyft.

Auk Finnlands hafa tengslin milli svínaflensubóluefnanna og drómasýki verið rannsökuð í Svíþjóð, Noregi og Frakklandi og hefur evrópska lyfjastofnunin komið þeim tilmælum á framfæri að fólk undir tuttugu ára aldri sé ekki bólusett með efnunum nema bóluefni við hefðbundinni flensu séu ekki við höndina og einstaklingurinn þyki í mikilli hættu við að smitast af alvarlegum flensustofni.

Íslendingar keyptu um 300 þúsund skammta af bóluefninu en það hefur ekki verið í notkun í sumar. Samkvæmt upplýsingum frá staðgengli sóttvarnalæknis í júlí, stendur til að taka ákvörðun um áframhaldandi notkun í haust en helmingur efnisins rennur út í október næstkomandi og hinn helmingurinn í október á næsta ári.

mbl.is
https://www.funiceland.is - Ferðavefur
FunIceland.is er ferða- og upplýsingavefur um náttúru Íslands. Skoðaðu vefinn m...
Honda Cr-v 2005
Bensín, topplúga, ekinn 226 þkm, bsk, 4x4 Einn eigandi S:845-7897 ...
STURTUKERRUR _ STURTUKERRUR
Sturtukerrur, rafdrifnar, fjarstýring, sturta aftur og til beggja hliða, hæð sk...
 
Aukatekjur vikulega
Önnur störf
Aukatekjur Morgunblaðið vantar fólk ...
Ert þú skapandi
Sérfræðistörf
Ert þú SKAPANDI? Árvakur leitar eftir...
Háseti
Sjávarútvegur
Háseti Vísir hf óskar eftir að...
Fundur
Fundir - mannfagnaðir
Fulltrúaráð sjálfstæðisfélaganna...