Ný rannsókn hefur leitt í ljós að frummenn notuðu tannstöngla fyrir tæplega 1,8 milljónum ára.
Hópur vísindamanna við háskólann í Zurich í Sviss rannsakaði tennur í kjálka sem fundust í Dmanisi í Georgíu, sem eru elstu minjar um frummenn sem hafa fundist í heiminum fyrir utan Afríku.
Vísindamennirnir komust að því að frummennirnir hefðu þjáðst af tannholdsbólgu vegna mikillar tannstönglanotkunar, að því er talið. Fjallað er um þetta á vef breska ríkisútvarpsins.
Niðurstöðurnar eru birtar í vísindaritinu Proceedings of the National Academy of Sciences of the United States of America. Vísindamennirnir segja að þetta eigi þátt í að útskýra þann fjölbreytileika sem einkenni mannskepnuna og hennar nánustu ættingja.
Þeir beittu nýjum aðferðum réttarmeinafræðinnar við að skoða frávik í tönnum frummannanna sem sumir telja að séu elstu ættingja Evrópumanna.
Tennur geta varpað ljósi á aldur viðkomandi og hvað þeir átu. Það er ekki fyrr en nú sem menn telja sig hafa uppgötvað hvers vegna fjölbreytileiki þeirra kjálka sem fundust í Georgíu væri svona mikill.