Reisa risasturn í Amazon

Frá Amazon regnskóginum.
Frá Amazon regnskóginum. Mynd:Wikipedia

Nú stendur til að reistur verði risastór turn í miðjum Amazon frumskóginum. Á turninn að fylgjast með loftlagsbreytingum og áhrifum þeirra á viðkvæmt vistkerfi svæðisins. Brasilíska dagblaðið O Estado de Sao Paulo sagði frá þessu í dag. 

Brasilísk stofnun, sem einbeitir sér að rannsóknum í Amazon skóginum stendur að byggingu turnsins ásamt þýsku samsteypunni Plank.

Turninn verður 325 metra hár og mun vera búinn tækjum til þess að fylgjast með sambandi á milli frumskógarins og andrúmsloftsins. Turninn mun safna gögnum um hita, vatn, kolefnis gas, vind, skýjamyndun, upptöku kolefna og veður.

Bygging turnsins hefur verið í undirbúningi síðustu sjö árin, en erfitt var að finna staðsetningu fyrir hann. Hann mun rísa í um 170 kílómetra fjarlægð frá Manaus, sem er höfuðborg ríkisins Amazonas. 

Stálið sem notað verður hefur verið flutt á svæðið frá suður Brasilíu.

Paulo Artaxo, verkefnastjóri við háskólann í Sao Paulo segir að turninn muni hjálpa fólki til þess að skilja Amazon frumskóginn betur. „Turninn mun hjálpa okkur að svara þeim óteljandi spurningum sem tengjast loftlagsbreytingum. Við munum skilja hlutverk Amazon skógarins betur og aðra regnskóga sömuleiðis.“

mbl.is
Sultukrukkur, minibarflöskur...
Til sölu ..Ca 100 gler krukkur til sölu..Frekar litlar... Einnig ca 200 smáflös...
Harðviður til húsbygginga
Harðviður til húsabygginga Sjá nánar á www.vidur.is Vatnsklæðning, panill, palla...
Innheimmta
Jessenius Faculty of Medicine í Martin Slóvakíu Inntökupróf verður haldið 9. ágú...
Dyrasímar - Raflagnir
Dyrasímaþjónusta, geri við eldri kerfi og set upp ný, fljót og góð þjónusta Sí...