Sprunga og mögulegt berghlaup

Svínafellsjökull.
Svínafellsjökull. mbl.is/Friðrik Tryggvason

Sprunga sem fannst í vor sem liggur skáhallt niður vesturhlíð Svínafellsheiðar er talin tengjast sprungu sem bændur á Svínafelli fundu haustið 2014 norðan Svínafellsjökuls. Almannavarnir benda á að við aðstæður eins og hér um ræðir þurfi að gæta sérstakrar varúðar í ferðum á jökulinn vegna hættu á skriðuföllum.

Þetta kemur fram á vefsíðu Veðurstofunnar. Þar segir að ef sprungurnar eru tengdar þá er sá hluti hlíðarinnar sem hreyfist um ferkílómetri að flatarmáli og gróft mat gefur til kynna að rúmmál efnisins gæti verið yfir 60 milljón rúmmetrar.

Ekki er hægt að útiloka að stykkið hlaupi fram í heilu lagi í stóru berghlaupi en það gæti einnig hrunið í smærrum hlutum. „Nákvæmur aldur sprungnanna er ekki þekktur, þær sjást ekki á loftmynd frá 2003 en eru greinilegar á landlíkani frá 2011. Þær hafa því líklega myndast og orðið sýnilegar á yfirborði einhvern tíma á þessu tímabili,“ segir á vef Veðurstofunnar.

Talið er nauðsynlegt að vakta svæðið og gera mælingar í þeim tilgangi að meta hraða og eðli hreyfingarinnar og munu Veðurstofa Íslands og Háskóli Íslands vinna að því í sameiningu. 

Snemmsumars verður komið fyrir síritandi gliðnunarmælum í sprungunni og síritandi GPS tæki á stykkinu sem er á hreyfingu. Þá verður hægt að mæla hraða gliðnunarinnar jafnóðum og fylgjast með því hvort hreyfingin herðir á sér eða hvort stökk eigi sér stað. Einnig stendur til að gera nákvæm landlíkön af svæðinu með reglulegu millibili til þess að greina hreyfingu alls svæðisins.

Á Svínafellsjökli hefur verið talsverð umferð ferðamanna allt árið um kring. Almannavarnir vilja benda á að við aðstæður eins og hér um ræðir þurfi að gæta sérstakrar varúðar í ferðum á jökulinn vegna hættu á skriðuföllum.

mbl.is
Einstakt tilboð - 14,44 fm Garðhús - kr. 348.500,-
Naust er bjálkahús úr 34mm bjálka með tvöfaldri nót. Húsið er 3,8m x 3,8m og er...
KERRUR _ KERRUR _ KERRUR
Þessar sterku Þýsku frá ANSSEMS & HULCO, til afgreiðslu strax, sjá myndir m.a. í...
Ukulele
...
Viðeyjarbiblía 1841 til sölu
Til sölu Viðeyjarbiblía frá 1841, upplýsingar í síma 772-2990 eða á netfangið rz...
 
Skólastjóri - grunnskólinn á suðureyri
Grunn-/framhaldsskóla
Grunnskólinn á Suðureyri - Skólastjór...
Félagsstarf
Staður og stund
Aflagrandi 40 Opin vinnustofa kl. 9. Gön...
Félagsstarf
Staður og stund
Aflagrandi 40 Opin vinnustofa kl. 9, nú ...
Starfsmaður í þjónustu við atvinnutæki
Önnur störf
STARFSMAÐUR Í þjónustu við atvinnutæki ...