Samsöfnun gróðurhúsalofttegunda, sem valda loftslagsbreytingum og hækkandi hitastigi í heiminum, náði nýjum hæðum í fyrra. Fram kemur í skýrslu Alþjóðaveður­fræðistofn­un­ar Sam­einuðu þjóðanna (WMO) að ekki sé útlit fyrir breytingu.

Í skýrslunni kemur fram að koltvísýringur í andrúmslofti hafi aukist í fyrra en hann hefur ekki verið meiri í þrjár til fimm milljónir ára. Styrk­ur kolt­ví­sýr­ings mæld­ist vera um 405 ppm (e. parts per milli­on) í heim­in­um.

„Vísindin hafa sýnt fram á að ef ekki verður dregið úr koltvísýringi og öðrum gróðurhúsalofttegundum munu loftslagsbreytingar hafa mikil áhrif á líf á jörðinni og valda eyðileggingu. Tíminn til að bregðast við er nánast runninn út,“ segir Petteri Taalas, framkvæmdastjóri WMO.

Skýrsl­an ýtir und­ir þær rann­sókn­ir vís­inda­manna að lofts­lags­breyt­ing­ar hækka sí­fellt hita­stig jarðar og fær­ast fyr­ir vikið sí­fellt nær því að verða óaft­ur­kræf­ar. 

„Fyrir þremur til fimm milljónum ára, þegar svipaðar breytingar urðu á koltvísýringi, var hitastigið á jörðinni tveimur til þremur gráðum hærra en en í dag og yfirborð sjávar tíu til tuttugu metrum hærra,“ bætti Taalas við.

Elena Manaenkova. AFP

Elena Manaenkova, aðstoðarfram­kvæmda­stjóri Alþjóðaveður­fræðistofn­un­ar­inn­ar, segir að niðurstaðan komi henni ekki á óvart og að engin töfralausn sé í boði. Hún hafi miklar áhyggjur af aukningu koltvísýrings í andrúmsloftinu og telur að aðgerðir til að sporna við loftslagsbreytingum hafi ekki verið teknar nógu alvarlega.

Umfjöllun Guardian.

Tengdar fréttir

Loftslagsvá

Versta vínuppskera í 62 ár

• Gretu Thunberg gert að mæta fyrir dóm
• Áhrif hlýnunar mest í Asíu
• Frítt í strætó fyrir viðskiptavini Krónunnar
• „Þeir hafa ekki alveg verið að standa við sitt“

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Eins og að stökkva vatni á gæs.