Elon Musk, milljarðamæringurinn á bak við Tesla og SpaceX, hefur kynnt til sögunnar neðanjarðargöng sem hann lítur á sem himnasendingu þegar kemur að því að leysa umferðarvanda í stórborgum.
Musk afhjúpaði inngang að 1,8 kílómetra löngum prufugöngum í borginni í Los Angeles sem voru hönnuð af fyrirtæki hans Boring fyrir um 10 milljónir bandaríkjadala, eða um 1,2 milljarða króna. Það þykir lítill peningur þegar kemur að slíkum framkvæmdum.
Elon Musk unveils his first underground tunnel designed to beat traffic congestion: https://t.co/H2jgiFfd5M pic.twitter.com/JZByfuRZ22
— CNN International (@cnni) December 19, 2018
Göngin eru hluti af sýn Musk um byggingu neðanjarðarmiðstöðvar þangað sem hægt verður að flytja bíla, helst Tesla-bíla, niður með lyftum. Þar verða þeir settir niður á teina og þeim ekið á allt að 241 kílómetra hraða.
„Eina leiðin til að leysa þetta mál er að fara þrívíddarleiðina. Að samgöngukerfið verði í samræmi við híbýli fólks,“ sagði Musk um lausnina á umferðarteppum í borgum. „Þetta er allt frekar einfalt. Engin þörf á Nóbelsverðlaunum hérna.“