Ný Sporðakastasería - myndskeið

Tökur standa nú yfir á nýrri Sporðakastaseríu. Hún er með talsvert öðru sniði en fyrri seríur. Í öllum þáttunum er fylgst með erlendum veiðimönnum og sögð saga þeirra. Hér getur að líta myndskeið úr upptökum á fyrstu tveimur þáttunum. Í fyrri hluta myndskeiðsins fylgjum við breska veiðigoðinu Charles Jardine og syni hans Alex við bleikjuveiðar á Möðrudal. Síðari hlutinn sýnir hinn geðþekka breska leikara Robson Green við veiðar á Íslandi. Þetta eru fyrstu myndskeiðin sem birtast opinberlega úr þessari þáttagerð. Það er að koma helgi og þetta ætti að koma einhverjum í veiðigírinn. Fleiri myndbrot munu birtast síðar í sumar.

mbl.is