Vel heppnaðar breytingar á Rústik

Matgæðingar landsins geta glaðst því nýverið opnaði veitingastaðurinn Rústik við Ingólfstórg þar sem Uno var áður til húsa. Búið er að breyta húsnæðinu verulega sem heppnaðist afar vel en það voru hjónin Hafsteinn Júlíusson og Karitas Sveinsdóttir, eigendur Haf-studio, sem sáu um hönnunina. 

Staðurinn er í einu elsta og fallegasta húsi miðborgarinnar. Á Rústik er lagt upp með gott andrúmsloft, góðan mat, glæsilegan bar, úrval kokteila og kampavína.

Jafnframt er boðið upp á Happy hour á hverjum degi frá 15-18.

Matseðillinn byggist upp á íslensku hráefni, þar sem lambakjöt, sjávarfang, humar og smælki eru í aðalhlutverki. Maturinn er borinn fram í pönnum sem eru ætlaðar til að deila kræsingunum.

Ekki hefur verið mikið um svokallaða deilikosti á almennum matseðlum hér á landi en víða erlendis er þetta afar vinsælt enda býður það upp á skemmtilega stemningu.

Rústik er í samstarfi við Icelandic Lamb og Eymund Magnússon sem stundar lífrænan búskap og tryggir að grænmetið er alltaf brakandi ferskt.

Við hvetjum því sem flesta til að prófa enda alltaf nauðsynlegt að prófa eitthvað nýtt.