Kjúklingur stendur alltaf fyrir sínu enda elska hann flestir - jafnt ungir sem aldnir. Sé hann marineraður eftir kúnstarinnar reglum á hann það til að stökkbreytast úr gómsætum yfir í stórkostlegan. Það er einmitt tilfellið í þessari uppskrift en við hvetjum ykkur til að leyfa að marineringunni að malla eins lengi og kostur er.
Framúrskarandi kjúklingaréttur sem ærir bragðlaukana
- 400 g kjúklingabaunir
- 800 g kartöflur
- 1 hvítlaukur, tekinn í sundur og skrældur
- 8 kjúklingalæri
Marinering
- 1 msk ólífuolía
- 2-3 sítrónur
- 1 1/2 tsk púðursykur
- 1 msk majónes
- 1 msk súrmjólk
- 1 tsk harissa mauk
- 1/2 tsk chiliflögur
- 1 msk tómatmauk
- 1 msk soya sósa
- salt og pipar eftir smekk
Borið fram:
- 2 msk ristuð cuminfræ
- 80 gr saxað kóríander
- 300 ml grísk jógúrt
Aðferð:
- Skolið kjúklingabaunirnar. Skrælið kartöflurnar og skerið þær í tvennt ef þær eru stórar.
- Kreystið eins mikinn safa úr sítrónunum og þið getið. Blandið marineringarhráefnunum saman í skál. Kryddið eftir smekk.
- Setjið kjúklinginn, kjúklingabaunirnar, kartöflurnar og hvítlaukinn í stóran poka og hellið marineringunni saman við. Setjið í skál og inn í kæli. Látið marinerast sem lengst - helst í heilan dag. Snúið pokanum reglulega við.
- Klukkutíma fyrir kvöldmat skaltu hita ofninn upp í 200 gráður. Settu innihald pokans í ofnfast mót og kryddaðu með salti og pipar. Settu álpappír yfir og bakaðu í 1 klukkustund. Taktu þá álpappírinn af og bakaðu í 15 mínútur til viðbótar eða þar til húðin á kjúklingnum er orðin stökk og kartöflurnar líka.
- Takið úr ofninum og stráið cumin fræjum og kóríander yfir.
- Berið fram með grískri jógúrt.