Við höfum sérstaklega gaman af því að pæla í eldhúsum, fá innblástur og nýjar hugmyndir. Við viljum þó forðast að elta nýjustu tískustrauma, það er einfaldlega svo þreytandi og þar að auki kostnaðarsamt. Þess heldur mælum við með því að búa sér til gott og þægilegt eldhús sem er tímalaust í útliti. Við viljum meina að eitt trend hafi staðist tímans tönn og er alltaf jafn fallegt og frískandi, það eru pastel litir.  

Fyrir þá sem komnir eru með nóg af sprautulökkuðum eldhúsinnréttingum í hvítum eða svörtum háglans má vel skoða að lífga upp á eldhúsið með flauelsmjúkum pastel tónum. Það bara hlýtur að vera lystaukandi að sitja í sjávarfroðu-grænu eldhúsi, eða við fölar rósa-bleikar innréttingar, nú eða fá sér sopa af kaffi úr lofnarblóma-lilluðum bolla.