Matur | Morgunblaðið | 4.7.2018 | 14:02

Djúpsteiktir laukhringir í bjórdeigi

Geggjaðir laukhringir sem líta sérlega vel út. mbl/Arnþór Birkisson

Bragginn bar & bistró opnaði á dögunum í Nauthólsvíkinni en margir hafa beðið spenntir eftir opnun hans. Maturinn er léttur og skemmtilegur og hér gefur að líta uppskrift að dásemdar laukhringjum sem bragðast sérlega vel.

hlekkur

Djúpsteiktir laukhringir í bjórdeigi

1 lítri repjuolía eða jarðhnetuolía
250 ml sýrður rjómi
190 ml majones
3 msk. sólþurrkaðir tómatar
35 g grillaðar rauðar paprikur
1 msk. límónusafi
1½ tsk. nýmalaður svartur pipar
2 tsk. salt
45 ml hvítvín
1 msk. fínskorinn hvítlaukur
2 gulir laukar
500 ml súrmjólk
280 g hveiti
1 tsk. hvítlauksduft
350 ml bjór
2 msk. rifinn parmesanostur

Aðferð:

Hitið olíuna í djúpsteikingarpotti eða pottjárnspotti í 180 °C.
Blandið saman í matvinnsluvél sýrðum rjóma, majonesi, tómötum, paprikum, límónusafa, ½ tsk pipar, 1 tsk. salt, hvítvíninu og fínskorna hvítlauknum.
Skerið laukinn í 1 cm þykkar sneiðar, fjarlægið hýðið og skiptið niður í hringi. Látið liggja í súrmjólk í eina klukkustund.
Blandið saman 140 g af hveiti, afganginum af saltinu og piparnum og hvítlauknum og blandið vel saman. Blandið vel saman í meðalstórri skál bjórnum og afganginum af hveitinu.
Fjarlægið laukhringina úr súrmjólkinni og hristið aukavökva af. Dýfið í hveiti og hristið aukahveiti af. Dýfið næst ofan í bjórdeigið. Setjið laukhringina ofan í olíuna en passið að hafa þá ekki of marga í einu svo þeir festist ekki saman. Þegar þeir eru orðnir gullnir á lit eru þeir fjarlægðir úr olíunni og þurrkaðir á eldhúsrúllublaði.
Borið fram með jalapeno-majonesi.