Við elskum einfaldar lausnir og þá sérstaklega þær sem krefjast ekki mikils tíma eða peninga. Hér eru nokkur ráð þar sem tannkrem og matarsódi koma við sögu – eitthvað sem er alltaf til í skúffunum heima.
- Ef skartgripirnir eru hættir að glansa eins og nýkeyptir þá er upplagt að nudda þeim upp úr tannkremi, skola svo vel á eftir og þurrka með hreinum klút.
- Hafa litlir snillingar sett listaverk á viðarskenkinn eða á borðið heima fyrir? Engar áhyggjur, því tannkrem mun eyða því eins og skot því það virkar svo vel á viðarmublur.
- Fjarlægðu súra lykt úr strigaskóm sem þú hefur notað í síðustu hundrað zumba tíma með því að strá matarsóda inn í þá – bara muna að dusta úr þeim aftur.
- Þegar morgunbollinn skilur eftir sig rönd eftir kaffið, þá kemur tannkremið að góðum notum.
- Nuddaðu blöndunartækin upp úr tannkremi og þau verða skínandi hrein.
- Þegar heilu listaverkin eftir elsku börnin skreyta orðið nýmáluðu veggina þá má auðveldlega skrúbba það af með rökum svampi og matarsóda.
- Ef hundabælið er orðið pínu „súrt“, þá kemur matarsódinn aftur sterkur inn. Einfaldlega að strá matarsódanum á púðann og láta hann bíða í 15 mínútur áður en þú ryksugar hann af.
- Eru fastir blettir í skurðarbrettinu? Þá er einfalt ráð að nudda það með sítrónu og þeir sem vilja stíga skrefinu lengra skella smá salti og matarsóda áður en brettið er nuddað með sítrónunni.
- Fáðu strigaskóna til að verða eins og nýja með því að bursta þá með tannkremi – það virkar á tennurnar og af hverju ekki á skónna líka.
Skrautleg listaverk má þrífa með blautum svampi og matarsóda.
mbl.is/Pinterest