Matur | mbl | 4.11.2018 | 14:42 | Uppfært 15:28

Ómótstæðileg haustsúpa sem nærir sálina

mbl.is/Delish

Góð súpa er gulli betri og þessi hér er í senn ákaflega bragðgóð og nærandi. Að auki þarf hún smá tíma til að malla þannig að ilminn leggur yfir heimilið og kemur öllum í gott skap.

Ómótstæðileg haustsúpa sem nærir sálina

1 msk. grænmetisolía
2 shallot-laukar, saxaðir
2 msk. smátt saxað engifer
1 msk. karrýduft
600 g gróft skorið rótargrænmeti (í uppskriftina er notað grasker en það er ekki alltaf hægt að fá það hérlendis)
1 dós kókosmjólk
1 dós niðursoðnir tómatar, skornir í bita. Hellið vökvanum burt.
350 g blómskál
6 bollar soðin hrísgrjón
Kóríander lauf – til skreytinga

Aðferð:

Hitið olíu í stórum potti. Setjið shallot-lauk, engifer og karrýduft í hann og hrærið í 5 mínútur eða svo.
Bætið þá við rótargrænmetinu, kókosmjólk, tómötum og teskeið af salti. Setjið lokið á og látið sjóða í 15 mínútur. Takið þá lokið af og bætið við blómkáli. Sjóðið í 15 mínútur til viðbótar eða þar til grænmetið er orðið gegnsoðið.
Setjið þá hrísgrjónin saman við. Skreytið með kóríander og berið fram.