Ruglað góð panini-samloka

Girnilegasta samlokan er fundin!
Girnilegasta samlokan er fundin! mbl.is/Erika Lapresto

Það eru eflaust fleiri en við sem eiga erfitt með að standast girnilegar samlokur. Hér kemur ein löðrandi girnileg með grænkáli og nóg af osti.

Ruglað góð panini-samloka

  • 1 búnt grænkál
  • 1 bolli fersk basilika
  • ½ bolli ólífuolía (og aðeins meira til að pensla brauðið)
  • ¼ bolli nýrifinn parmesan
  • ¼ bolli valhnetur
  • 1 hvítlauksrif
  • Sjávarsalt
  • Ciabatta-brauð eða focaccia
  • Kalkúna- eða kjúklingabringa
  • 1 stór tómatur, skorinn í sneiðar
  • Mozzarella-ostur, skorinn í sneiðar

Aðferð:

  1. Setjið grænkál, basiliku og ólífuolíu í matvinnsluvél og blandið vel saman. Bætið við parmesan, valhnetum, hvítlauk og salti og blandið saman við.
  2. Smyrjið grænkálsblöndunni á brauðið og raðið kalkúnasneiðum, tómötum og mozzarella ofan á. Penslið brauðið með ólífuolíu.
  3. Hitið samlokugrill og setjið samlokuna þar á, þrýstið léttilega ofan á til að hún klappist betur saman. Samlokan er tilbúin þegar hún er orðin gyllt á lit og osturinn bráðnaður.
mbl.is