Matur | mbl | 29.11.2018 | 12:19

Besti 15 mínútna rétturinn

Þegar þú hefur engan tíma til að elda er þetta rétturinn fyrir þig. mbl.is/VK Stock

Á annasömum dögum er gott að geta reitt fram úr hendinni einn frábæran rétt á 15 mínútum. Við bjóðum ykkur upp á mjúkt spaghetti með stökku brokkolí og ansjósum sem gefa réttinum þetta ómótstæðilega bragð sem enginn stenst.

Besti 15 mínútna rétturinn

400 g spaghettí
½ brokkolí, skorið í litla bita
2 stórir hvítlaukar
½ tsk. chili
4 ansjósur í olíu
½ dl ólífuolía
1 skallottlaukur
1 dl þurrt hvítvín
100 g ferskur parmesan-ostur
Salt og pipar

Aðferð:

Sjóðið spaghettí samkvæmt leiðbeiningum. Þegar það er næstum tilbúið, setjið þá brokkolíbitana út í í 1-2 mínútur.
Merjið hvítlaukinn, chili og ansjósur í morteli. Setjið olíu á pönnu og steikið laukinn þar til hann er gylltur, bætið þá ansjósublöndunni út í og hrærið í.
Bætið hvítvíni á pönnuna og leyfið því að sjóða upp.
Setjið pastað og brokkolíið út á pönnuna og veltið upp úr blöndunni.
Setjið aðeins meiri olíu ef þarf og saltið og piprið.
Dreifið osti yfir og berið fram.